كلمات الشاعر/ معتز الجندى
ــــــــــــــــــــــــــــــــــــــــ
يا فرحة اللى اتكتبله
يحج ويزور النبى
ادعولى افرح معاكو
واحج وانول مطلبى
،،،،،،،،
واطوف بالكعبة واتهنى
وأسعى بين صفا ومروة
وأشرب زمزم الحلوة
وأطلع على جبل عرفات
،،،،،،،،
واقول يارب ارحمنى
واوعدنى يارب بالجنة
والدمعة تفر من عينى
مبين الفرحة والخشية
وكأنى فى حلم حلو جميل
ربى رزقنى بالحجة
،،،،،،،،
وأدعى وأدعى طول اليوم
لكل
الأهل والصحبه
حبايبى قرايبى وجرانى
يارب الكل يتــهنى
وأنزل من جبل عرفات
والبشرى تجينى بالغفران
لى ولكل اللى دعيتــله
والقلب مطمن فرحان
،،،،،،،،،
ولما أخـلص الحجة
أروح ازور الحبيب
أسلم عليه وعلى الصحبه
وبذكره قلبى يطيـــب
وأصلى فى روضة الجنة
واقول يــــــارب اقبلنا
وارحمنا يــــا رحمن
،،،،،،،
يا فرحة اللى اتكتبله
يحج ويزور النبى
ادعولى افرح معاكو
واحج وانول مطلبى
،،،،،،،
ليست هناك تعليقات:
إرسال تعليق