كتب / محمود رفاعي
مصر من تاني
يابلدي وحشاني
كلمه علي لساني
بقولها الوجد يملاني
ليه يام الوطاويط
مابتظهرش الا في الضلمه
وتعربد وتفركش اللمه
عصافيرك ع الشجر بتنوح
امتي الغربان بقي تروح
وامتي الصبح بقي يفتح
وامتي الشجر بقي يطرح
وامتي القلب بقي يفرح
وامتي من تاني
الشيخ يعلم الشده والضمه
مشتاق اوي يامه للحضن واللمه
مصر يامه
ياقعده مصطبه في قمرايه
والشاي علي الراكيه
وصبيه بتملي الميه بالجره
وفلاح بيزرع
وبنت بتحلب البقره
وعامل بيغزل تاني قطنك
ثوب جميل يبان بيه حسنك
واذان وجرس يامه دول حصنك
مصر من تاني
يابلدي وحشاني
ليست هناك تعليقات:
إرسال تعليق