يامصر ياللى القمر
كلمات الشاعر / معتز الجندى
يامصر ياللى القمر خد نوره من نورك
والورد فى الجناين عبيره من عبيرك
وربيع الدنيا اتكسى يامصر من حسنك
حتى الطيور فى السما بتغنى من لحنك
،،،،،،،،،،،
انا ابنك ..
انا نبضك .. انا دمك
انا اللى قلبى ياحبيبتى يشيل همك
وازاى اقول ماليــــــــــش دعوة
وانا الكلمة وانا النغمة وانا الدعوة
،،،،،،،،،،،،،
انا الكلمة اللى بتــــــــــدافع عنك
انا النغمة اللى بتغنى على وترك
وانا الدعوة اللى بتدعى بتعميرك
وتنظيفك وتغييرك وتطهيــرك
،،،،،،،،،،،،،،
انا
الثورة اللى قامت عشان تقول للكل
ان مصر بلدنا هى ســت الكل
وفوق جبين الزمن هى تاج الفل
هى نبض الامه هى رمز الهمه
،،،،،،،،،،،،،،،،
لو قامت يقوم الكل ولو نامت ندوق الذل
يكفيك يامصرى ان بلدك مذكورة فى القرأن
عشان تعرف قيمتها وتحافظ عليها كمان
وتفديها بكل غالى فى عصر وأوان
،،،،،،،،،،،،،،
كفايــة كده يــالله ان الاوان
ايدك فى ايدى نعمرها ونخليها أمان
،،،،،،،،،،،،،،،،،،،،،،
ليست هناك تعليقات:
إرسال تعليق